9 նոտայով չժանգոտվող պողպատե հենդփան VIRA-4

9 նոտայով հենդփանի առանձնահատկությունները

• Կատարյալ լարվածքով 9 նոտայով հենդփան
• Ինը նոտա ռե մինոր լարվածքով, և յուրաքանչյուր նոտա հնչում է գեղեցիկ ռեզոնանսով
• Տրամագիծ՝ 22,8 դյույմ | Բարձրություն՝ 10 դյույմ
• Պատրաստված է չժանգոտվող պողպատից

Հենդփանի կորպուսի որակը շատ կարևոր է, քանի որ կորպուսի վնասվելու դեպքում նվագարանը կկորցնի լարվածքը և ճիշտ հնչողություն չի ապահովի։ Չժանգոտվող պողպատը նվագողին վստահություն է տալիս, որ նվագարանը լավ կայունություն ունի խոնավության նկատմամբ, սակայն դա չի նշանակում, որ այն խնամքի և ուշադրության կարիք չունի։ Հենդփանները պետք է յուղել հատուկ յուղով, իսկ այդ գործընթացի պարբերականությունը կախված է այն վայրից, որտեղ ապրում եք։ Եթե ապրում եք խոնավ տարածքում, նվագարանի խնամքն առավել կարևոր է։

Հենդփանի պատմությունը

Հենդփանն առաջին անգամ արտադրվել է Շվեյցարիայում 2000 թվականին։ «Հիպնոսացնող նվագարան» որակվող հենդփանը որպես հարվածային նվագարան ստեղծել են երկու շվեյցարացիներ՝ Sabina Schärer-ը և Felix Rohner-ը՝ աշխարհի տարբեր մասերում երկարատև որոնումների և հետազոտությունների արդյունքում։

Ինչպես նվագել

Ամբողջությամբ պողպատից պատրաստված, կրիայի պատյանը հիշեցնող հենդփանը դրվում է ծնկներին և նվագվում ձեռքերով ու մատներով։ Իդիոֆոնների խմբին պատկանող այս նվագարանն ունի տավիղ, գոնգ կամ հարմոնիկ երանգներ հիշեցնող հնչողություն։ Տարբեր հնչյուններ և նոտաներ ստացվում են թրթռման միջոցով՝ հարվածելով մակերեսի փոքր փոսիկներին։ Նվագարանի ամենահետաքրքիր կողմն այն է, որ յուրաքանչյուր ոք կարող է հեշտությամբ նվագել այն։ Դրա շնորհիվ ավելի ու ավելի շատ մարդիկ են ընտրում այս նվագարանը՝ հանգստանալու և հանդարտվելու համար։ Այն հայտնի է դարձել նաև յոգայի ուսուցիչների շրջանում։ Քանի որ այն նոր նվագարան է, չկա կանոն, թե ինչպես պետք է նվագել այն։ Ցանկացած ոճ ընտրելը ձեզնից է կախված։